الصعيدى فى المصيف

قعدت مع نفسى كده زى الناس اللى عيفكرو واخيرا فكرت تصدقوا ! .. قولت اعمل زى ولاد الزوات واروح مصيف المهم كان الشهر خلاص قرب يخلص وانا معييش فلوس واصل المهم استنيت لما قبط من المدله ومن الكنانه ودمعت ميلمين فى ديبى ويوم التنين روحت على موقف عبود عشان اركب عربيه من هناك تودينى دمصة " حلوه دمصه دى " واركبت العربيه وطلعت بينا وتخيلوا انها خدت من عبود لحد بنها ساعة وربع!! ليه عشان كان فيه فى السكه عربيات كتيره قوى اكتر من 200 دنيه عربيات اصل احنا عندنا اسهال مرورى زى ما قالت الحكومة هأ هأ ها ... المهم ان الاسهال طفح على العربيه اللى انا فيها لحد ما ازهقت من القعده وكنت هاخدها مشى ، ولو كنت اعرف كده كنت دبت الدحش او الدمل من البلد سافرت بيه احسن .

المهم وصلت بالسلامه يا سلامه وتانى يوم قالى واد عمى ياله نطلع قولته ياله .. خدنى ودانى على حته فيها ترعه كبيره قوى اكبر من الترعه اللى حدانه فى البلد والقالكم امة لا اله الاالله ملمومة حوليها وكان مودود يدى بـ 30 دنيه ناس حريم ورداله وكله مع بعضه .

واد " قلععمى قالى اقلع .. قولتله عيب يا واد عمى اقلع قدام الناس .. قالى ما كل الناس اهيه قالعة مهيه الحكومة ما سابتش حد لابس واصل وقلعونا خلاقاتنا والله " المهم قلعت وبعد ما قلعت الشترت اللى اشتريته انا والبت البقوشه الصغيرة نزلت الترعة وقولت اعوم زى ما ععوم حدانه فى البلد ، واول ما حطيت دسمى فى الميه لقيت الميه مزودين الملح فيها .. والظاهر انه الطباخ نسى نفسه " اصل الطباخين فى البلد كتير اكتر من الاكلتيه .

عومت شويتين ولقيت واحده حلوه قوى يا بوى عتعوم دنبى مش زى غفر السواحل اللى حدانه بيضة زى القطن ، ودسمها ملفوف لفه مليحه قوى وعليها دوز ... روحت لواد عمى وعشان اخبره انى فيه واحده حلوه قوى قالى .............

معلهش اصلى كل مافتكرها عدوخ وراسى عتلف

بطاطا

عمدة كفر مصر

ما دريتوش يا دماعه مش الدماعه الارهابيين اللى عيدوروا عليهم فى سينا طلعو من فلسطين والله الحكومه دى هتطلعنى من خلاقاتى .. ولوانها ما سبتناش السنادى عشان نتكسى اصلها حبت ترقى عمر افندى اللى بقاله ستين سنه افندى .. يمكن تتديله منصب تانى او لقب تانى بيه او باشا مثلا ماهو بقاله كتير افندى يا خوانه
طاب اقولكم يدوله مدلس الشورى... حرشه مدلس دى.. اهو برضه حاده وخلاص بدل ما يتبهدل وسط العوطليه فى البلد .. ماهو افندى عاد ..
احنا سبنا حدوتيتنا وسرحنه بعيد مهو اصل الحوديت بتاعت الحكومة كتير وتخوت .. ولا بلاش تخوت دى عشان عياخدوهم زى الواد امحمد بتاع بنى مزار .. الواد يا عينى خدوه ونفخوه وودوه دوار العمده الكبير .. وانا عارف دوار العمده الكبير فيه ايه ولونى ما شوفتوش ومش عايز اشوف وشه .. اللى مش عارف يسأل البقاقيش .
بس امال الكلام بتاع عمدة كفر مصر عن انه المسأله الفلسطينية على طبلية المفاوضات المصريه ، وانهم من شلولويات الحكومة المصرية وانهم لازم يقعدوا قعدت عرب ـ ولا بلاش عرب خليها امريكانى او اسرائيلى ، عشان احنا قرايب ومش عنحبوا بعض ـ وهيجيبوا كبارات البلاد ويحلوا المشكله ؟
طاب الولاد الفلسطينيين هيفدروا ليه حادات فى سينا ؟ طاب وازاى دخلوا بعد ما حكومة مصر قفلت الباب فى وشهم؟
يوه دانا نسيت اقولكم ان فيه سبعين رادل تانيين من عيال ولد لادن قبضا عليهم هنا داحنا عندنا تنظيم واحنا مش دريانين ؟ ازاى عرفو انهم تنظيم قعده يعنى منظمين نفسهم فى القعده ولا ايه الموضوع والله مانا فاكر ولا شايف حاده
انا خلاص تعبت ومخى سخن ومش قادر اميز


ودمتم ... بطاطا

انت هتبسبسلى

صحيت فالصبح عشان اروح المدله ابتاعتى اللى عشتغل فيها ، وقولت بدل ما اركب المترو ابو دنيه ... منه لله اللى غلى الكزكره فى الايام السوده اللى عنعيشوها فى وزارة تنضيف الديوب النضيفه اصلا ، المهم انى روحت على محطة الاتوبيس اللى قدام قسم مصر القديمة ، حكم انى ساكن وراى القسم عشان ادسه" استخبه " فيه وخت اللزوم ، وشفت حاده يا ددعان حسستنى ان احنا مش بنى ادمين ابدا ، وان احنا مش فى بلدنا اللى طول عمرنا نتفشخر بيها ونقول احنا من البلد دى ، خلتنى قولت فعقل بالى انا مش من البلدى .
لقيت واحد سواق عربيه ربع نقل واقف بعربيته بعد بوابة القسم بحوالى قصبتين، كان الظاهر عليه مستنى حد ، او العربيه كان خربانه وبعديها بشويتين طلع واحد من كلاب المباحث الدربانه السعرانه ، اللى عتعض فى الناس وهيه ماشيه ، وان ما ليقيتش حد اتعض فى نفسها .... وقال ايه عيحموا المواطنيين " انا مش عارف يعنى ايه مواطن " والنبى اللى يعرف يقولى عشان ابقى عامل حسابى حكم انا مش عامل احسابى على كده ! ولو اعرف كنت دبت اتنين تلاته من الصعايده المنسيين عندنا فى البلد يمكن يعرفا يتصرفوا فى الدات دى ـ ما اطولش عليكم فى الكلام قولوا طول ـ ، ده الرادل الدهم وبص للرادل صاحب العربيه من الشباك وقاله امشى من هنه ، والظاهر عليه الرادل قله حاضر همشى بس ...، والتانى ما صدق قاله بس .... انتى هتبسبسلى ياابن الـ ...، وفدأ ه يا رداله القيت الرادل صاحب العربيه بره والتانى الغبى ابن الغبى واخده ضرب بالكاكيم وماسكه اكنه واقع على لقيه ، يخرب بيت .....ما علينا قعد الغبى يدردر فى الرادل من عنكفته " قفاه " لحد ما دخل بيه القسم عشان يوديه للظابط امال ايه مهى البلد بتاعتهم ، وما حدش يقدر يقول تلت التلاتة كام .. والناس واقفه على الدسر " فى الشارع " مش عارفه تتصرف ازاى ، زى ما يكون عزرائيل قباض لرواح ده ، وانا واحد منهم ، اصله يا دماعه دهم قوى وانا دسمى على كدى بس لازم يبقى فيه حل عشان نقدر نعيش وسطيهم .... سقت عليكم النبى حد يفكر فى الحل ويقولى حكم انا داهل وماعرفش افكر فى الحدات دى !!
ودمتم ... بطاطا

الله يرحم

اكتر جاده غاظتنى النهارده انى بصمت فى دورنان الدمهورية وقريت خبر منقول من جورنان كويزى " كويتى " بتاع الرادل ده اللى عيمسح دوخ تملى اسمه احمد الدار الله!! خلانى ماشى فى الشارع اردم بالطوب زى المخاويت . قال ايه حسن نصرالله الرادل اللى لبس دميع الحكام العرب طرح بيحاول انه يغتال مدموعة من الشخصيات اللبنانية اللى كانت امعارضاه فى الحرب ، وقال ايه كمان انه سافر لسوريا عشات تساعده فى كده والله حاده غريبة قوى .
المهم ان اللى قال الكلام ده واحد من ردالة دولة الطرح اصلا " على اعتبار انهم لابسين عقال وتحتيه طرحة بيضاء " ولما عينى وقعت على الكلام قولت فى عقل بالى فينك يا صدام حسين اتورى الناس ردلين الدكك "التابعين " دى مقامها " على اعتبار انهم ولايه من الولايات المنتحرة الامريكية " ، والحقيقة انه حسن نصرالله على الله مقامة مش عايز يغتال حد ولا يحزنون ولا كمان عايز يستعين لا بسوريا ولا بغيرها عشان يقتل حد ، وان كان عايز يعمل كده ، وانا واثق انه يقدر يعملها وحده دا لو فى نيته حاده وحشه ممكن يبعت دملين نحملهمله شوية ردالة من الصعايده اللى يكلو الحديد والظلط يقطعهمله قطيع ، بس هو رادل مش بتاع الحدات دى .
وكمان قعد الرادل بتاع جورنان الكويز ينتف فى وبر الرادل الددع بتاع حرب العزة اللى غابت عن اللى ما يتسمو حكام العرب يقول ويعيد زى الحريم على المسطبة انه انتصار نصرالله على المخفية اسرائيل نصر وهمى ، طيب هاسألك سؤال يا خينه انت امال النصر الحقيقى يبقى ايه ؟ وتقدر تعمل زيه ؟ ثم ده مش احسن من اللى حاطط حداهم قواعد صواريخ امريكية عشان يضرب بيها بلدك وقت اللزوم ؟ والله ما اظن ان بلدكم دابت رادل عشان يفكر يعمل كده .
ياخى يتقولو كلمة زينة يتسكتوا وتسيبوا الناس الشرفة فحالها تحرر ترابها باديها .
وعلى راى المثل عندينا فى البلد " العين عتكره اللى اعلى منها " وانتا ناس عيزين تقعدوا طول عمركم واطيين واموطيين روسكم فى الارض .
ودمتم ... بطاطا

بعد العواف عليكم

نكمل اللى قولناه عشيه ....
اما ما كان من امر الامير ابوزيد لما روح لوالدته :
دخلت عليه خضراوقالتله ..مالك يا ولدى يا نور العين ..يا بو لون اسمر زبيبى .. فى جسمك واعى النار والعين (المعاناه) بتجض(تأن) ليه قوى يا حبيبى ... قالها قلب بيهز ابنك .. يامايا والحمل مايل .. اوريلك اللى تاعبنى .. حرب البطل ولد نايل .. يامايا اجى اضربه يموت القى دراعى قاعد مكانه..ابدا شافتنى اللموموت(لمة الناس) .. وسيفى اشتغل كل مكانه(يأكل فى مكانه) .. وهوه يجينى على البعد يامايا كيه "زى" غول كاسر .. ولاتنين ياما نميلوا على بعض ما فيناش مهزوم واصل .. يامايا مضيت فى الحرب اجلى لاجايل"اجيال " ابو جنون لاقانى .. ولا حتى جاسر وجسار ولا داغر اللى وراهم" ابطال حروب " .. ولا حد ابدا هو جسار .. ولا غير رزق ابدا وربى ..يا مايا مثله ما رأيت .. ابيمين ما فيه غيره .. ادى الناس والحرب ورأيت .. يامايا آخ ما يكون رزق دا من بلدنا .. حملى على الكتف مايل .. آخ لو كان يقولى ولدنا " ابنى" .. يا ريتك اتجوزتى ولد نايل .. قالتله يا ولدى نصيبى خدناه .. وادينى جبتك انت سبع كاسر .. وسطع النور من وجه خدنا " الوجنتين ".. يا ولدى غيرك انت ما فيش حد واصل .. قالها لكنى عشمى فى ربى .. بكره ايتم عياله .. واجيبله من الطين وربى .. عين العرب وعياله .. قالت شد حيلك يا ضناى .. يا واد واوعى تتلخم واصل .. خليك ولد زين " مؤدب" مرباى .. ادينى قولتلكم عللى حاصل ....

العواف عليكم

معلهش كنت موعوك بقالى يومين اصلى البرد ميقدرش يستغنى عنى ابدا لانه عيحبنى قوى قوى ... معلينا
ممكن استأذن الاستاذ عبد الرحمن الابنودى وشاعر الربابة دابر ابو حسين فة حته حفظتها من السيرة الهلالية عشان انا مغرم بيها قوى هى حته من النص وبالتحديد لما راح ابو زيد وابوه رزق للحرب وما كانوش يعرفوا بعض ...
خدو بعض لاتنين بضربات تهز الجبال الرواسخ.. مع بعض اخر حراكات وكان طعمهم مر ماصخ ..
من الصبح لما قربالضهر اللون غير بصارة .. ما بين الرجال عقب الدهر ولاتنين ما لقيوا بصارة ..
زادوا البلا قرب العصر ولكل سيف تهاشم .. يتوسلوا بال بيت مصر ادى ساعتك يام هاشم ..
زادوا البلا قرب الغرب والنفس علموت طابت لما حملهم دشدش الغرب شمس العصارى ماغابت ...
من المغرب لما العشا فات الروح رخصت وهانت يقلبوا لطلوع اسهيل لما نجمت الفجر بانت ..
زادوا البلا او تانى يوم خد بالك من المعانى ..دمع الاكابر نزل عوم من الله يرجوا معانى .. .
" فضلوا على الحرب دى سبع ايام .. مافهمش مغلوب وغالب ".
المهم روح الامير رزق دمعه يسيح .. فى جض وانين زايد .. يتكلم فى شكل كمسيح .. وصايم عن العيش وزايد ..
جابتله شيحه الطعام علصنية .. ابى الزاد يااخى ما ضاقوشى ..
قال شيلى الزاد يا بنيه . . يا بتى نفسى ما قابلهوشى .. ابوكى انبلى يا صبية . . انبليت واوعوا تلمونى ..
قالته ايه اللى جرى معاك انت وهوه .. قال لها كل ما اجى اضربه القى دراعى يرجع وحده ولا انا ولا هو قادرين نموت بعض .. قالتله بكره خدنى معاك وان شاء الله المعين مولاك الزهر هيساعد معاك هذا ما كان من امر الامير رزق ، اما ما كان من ابو زيد لما روح لوالدته ...
نستكملها فيما بعد
ودمتم ........بطاطا

نتعرف لول

استأذنكم اولا ان نقف دهرا حداد لشهداء لبنان وكذلك تحية لابطال المقاومة هناك وفى العراق وفلسطين
.............................................................................................................................
معلهش دايز اللغة بتاعتى متكونش مفهومة ولكن انا داى اكتب للدماعة الدهلة البصمدية اللى زى حلاتى
ولكن مع الوخت ممكن الداهل يفهم ويعرف اللى ما يعرفوهوش ..والا اقولكم احسن ما تفهموش
اول حاده عاوز اقول للبت سمسمة عفارم عليكى يابت عشان البتاع الدميل ده اللى علمتى اخوكى الصعيدى الداهل يتعامل مع دهاز الكمبوتر مشعارف اذ كان كلامى هيعدبكم ولا لاه عشان اللى هيقوله واحد قروى سازد جاى من بلدهم بترابه ومخه ملفش ولا لفه من ساعة متولدت ، ولكن عشمى فيكم تنورولى طريقى وتخلونى اتعلم لغوتكم وكلامكم عشان اعرف اتفاهم واتعامل معاكم وخدو بالكم انا مخى تخين زى دسمى بالظبط.
صعيدى لكن ددع